Koa Pfora bin I
I
Koa Pfora bin I dea wettat unt schrait
Koa Politbonzn no a Parasla dea linkt unt si frait
Koa ausgfuxta Dandla dea ziagt iban Tisch
Bai mia zehlt a bauchiga Kruag mit an gsöffign Gmisch
II
Bin di Grofn nix naidig, I grias de sogoa,
I hun nix gegn Bauan, wenns schloffn fia zwoa
Owa so fraint wia di iatzign do
Unt a Kruag wia tea fillt mai hertz fira joa
III
Do schtolziat da Groaßkopfate mit sain Schotz dahin
Do gwieß wira Gfries, da Benko mit sein knedlign Kinn
Oba sigsch insan Wiat, wia is Schilt umma wingkt
Mit sain bauchigen Kruag wo mas beschte tringkt
IV
Mai liabe Olte, isch, krutzitürggn, faschtoam
Unt I bin in di Kirchn für Troscht einigflogn
Unt wos sogt do da Solomon Häa
A bauchiga Kruag isch di hegschte Äa
V
Oamol homs mi ibaret af a gfierigs Gschefft zwetten
Bolt hunni dafrogt es ligg olles in Lettn
Oba do kaicht da fette Wiat aua de stiagn
Mit an vollgfilltn Kruag unt wegk woa dös Pech, ohne zliagn
VI
„De sorgn im Lebm sain a a Troascht”
heasch mit an Gsicht gonz roat
Fun Pfora in saina schworzn Pfoat
Unt i glab den oltn Teppn affs wort
A bauchiga Kruag traipt olle sorgn fort
Fir a Maus
He, grissnes, zittrix luadabiescht,
Woher de panick woll in daine augn isch
Koa grund dass glaido ummi diesch
Ins hai in tennen
Nia tati mit an pfluag, wia siechsch
Di fun dain neschdl trennen
Laida zraisst de menschen mocht
Wohs schepfung ins zu briada mocht
Unt hosch woll goa di flucht bedocht
I gib ta föllog recht
Wia du bin ah as stab i gmocht
A gschepf fun sterblich‘ gschlecht
Unt monxmol pfladan isch a pflicht in lebm
Wia schunsch, orms viechal, solltats fuata gebn
A kloana fressa in a äahn
Isch woll da redt nit wäat
Wenn guate erntn wäan
Hat i mi nia beschwäat
Dai kloanes heisl liegt in trimma
De schwochn maialn schtian iatz nimma
Unt nix do fia a naies zimma
Im grianen grobn grohs
Unt iatz de wintstirm woll kimma
Eiskolt und nodln wia as glohs
Kaohl unt fawieschtet hosch di ecker xegn,
Froscht unt winta wäan si iba d eadn legn
Unt trunta wolltsch dai neschtl pflegn
Hoschs nit dagneist
Dass da pfluag wi a degn
Ollas nida reißt
Knabbert hosch tog unt nocht
Aus an hauffn blattln und stroa a bettl gmocht
Unt iatz traim sie di wegck
Aus dain hof und haus
In winta unt keltn aussi in dregck
S isch a graus
Oba kloans meisl, du bisch nit alloan,
Zun bewais dass mit waitbligck schlecht zfoan
Wenn mais unt Leit is beschte a planen toan
Gäats oft danebn
Unt nix blaibt wia kumma unt sorgn fia oan
Schtott an fasprochenen segn
Unt decht hosch tu s bessa wia I
Nua wos iatz isch zehlt fia di
Und schaugi zrugg, do hinta mi
Schworze wolkn, koa scheaz
Und de zukunft isch fia mi
Lai no ongscht in main heaz.
Mai herts isch in tol drein
Mai herts isch in tol drein, mai herts isch pei di hirsch
Mai herts isch in tol drein wo i gea aff di pirsch:
Aff ta spua fon an hirschn oda an räach, no so steil
Mai herts isch in tol drein, so pleips olleweil.
Pfiati mai talele, pfiat enk es perg
De riesnhoach rogn iba higel wia zwerg
A wenns mi faschloggt unt irgn wohin traibt
Is tol unt di perg mai hoamatl blaipt
Pfiat enk es perg bis aui foll schnea
Pfiat enk es latschn und mader int hea
Pfiat enk es bam pai da gufl hintin da riss
Pfiat enk es pachln und rauschate fliss
Mai herts isch in tol drein, mai herts isch pei di hirsch
Mai herts isch in tol drein wo i gea aff di pirsch:
Aff ta spua fon an hirschn oda an räach, no so steil
Mai herts isch in tol drein, so pleips olleweil.
Pfese Achn
Fliaß sonft, pfese Achn, entn pain grianan hong!
Fliaß sonft, i wea di lobm mit oll main xong!
Mei Moidl schloft triebn pein pletschatn boch -Fliaß sonft, pfese Achn, dass fun tram nit sie woch!
Du höllwilde taum, dai echo rollt durch di klamm,
Hint inan busch drein juchazn omsln zamm
Horch bunta stiglits, loss jo dai schreiats tian
I bitt engk, steats jo nit mai schlummate dian!
Wia rohgn, pfese Achn, deine nochaten higel,
Vo wait laffen pachln ta zua, one zigel!
Jedn tog geri do hin, mit oll meine fiech,
Aggrat zmittog s heisl von da Moidl i siech.
So schian sein deine Ufa und moosiggn grind
Wo gonz wild in wolt drein i feigallen find:
Zemm, wenn a laus liftl iba di wiesn ziagt heawerts,
Fasteckt da birkn ia schottn, wiri mai Moidele herts
Dei grischtolligs fliaßn, Achn, ziacht gfirig dafun,
Unt schlanglt pei dera hittn foabei, wo i mei Moidl hun!
Glugksat schpielt dai wossa mit ire fiaß, flinslt wia schnea
Wenns pliamaln zupft unt si stellt daine welln zua wea
Fliaß sonft, pfese Achn, entn pain grianan hong!
Fliaß sonft, i wea di lobm mit oll main xong!
Mei Moidl schloft triebn pein pletschatn boch -
Fliaß sonft, pfese Achn, dass fun tram nit sie woch!
Ta tuifl isch wegk mitn zollala
Ta tuifl isch durch d‘ stodt gaigt, wia in wahn
Unt isch wegktonzt mitn zollala
Unt jeds waibats schrait: he, schaijetan
I winsch ta glick mit dera beit‘, tuifl,ha!
Ta tuifl isch wegk, ta tuifl isch wegk
Ta tuifl isch wegk mitn zollala
Tonzt ischa wegk, tonzt ischa wegk
Tonzt ischa wegk mitn zollala
Iatz weama mantschn unt schnappsln pantschn
Mia wean tonzn unt singan, hoja dala
Insa tonk käat den fuachtboan tuifl
Der wegktonzt isch mitn zollala
Ta tuifl isch wegk, ta tuifl isch wegk
Ta tuifl isch wegk mitn zollala
Tonzt ischa wegk, tonzt ischa wegk
Tonzt ischa wegk mitn zollala
Mia hupfn insa drai unt schnolzn zfiat
Mia dudln und juchazn
Oba ta beschte tonz, dea je isch passiat
Woa ta tuifl, dea wegk isch mitn zollala
Ta tuifl isch wegk, ta tuifl isch wegk
Ta tuifl isch wegk mitn zollala
Tonzt ischa wegk, tonzt ischa wegk
Tonzt ischa wegk mitn zollala
Ons Zentwea
I fafluach dai giftix stechn,
Mir ischs alls wellats ma di muffl brechn ,
Wos duarch mai goschn schiaßt,
Wia a bissiga hunt,
Des reißt un di nervn dassi schrain miaßt,
Mit oana dompfmaschin in munt!
Wenns fiawa brennt, oda a wickl pausiat,
Di gicht oan plogt oda s grimmen spiat,
Kunn ins fillaicht a fraindlichs wort troscht bereitn,
Mit mitlaidign tönen;
Owa tu, höll fun olle kronkheitn.
Spucksch lei af insa stönen.
Aus main bort tropft schu di spuckn
I stess die schemml iba di pruggn,
Wo nemann heard di letzn grinsn
Unt mi pflanzn wegan schmeaz
Am liabscht jogt is in di binsn
Unt moan des nit zun scheaz
Fun all de zig weas de a mentsch kun hom,
Bease schnitt, blede gscheftln, fadorbanen mogn,
Den liabschtn fraint gonz pletzlich begrobn
Isch traurig zun sehgn!
A trick fun an gauna, a deppate modn
Sain olles nix dagegn!
Wos woas I wo de kiarchliche höll,
Woher der klong mit den donnandn gröll,
Wo’s hoaßt do kemmat no mea,
Graußix jednfolls ,
Fun den fuarchtboan zentwea dahea,
Schlimma wia olls!
Oh, du hintafotzix schwein,
Tuasch nix olls zonk unt raffn strein,
Bis olle deppat fun de schmeatzn sein
Unt knechltiaf tonzn in bluat,
Schengck des techt insre gegna ein
Gib zentwea dea faindlichn bruat
Long, long häa
Isch olte fraintschoft nura schmeh,
Unt zehlt des nimma mäa
Isch olte fraintschoft nura schmeh,
Wails eh schu so long häa?
Aff des, wos long fagongan isch,
Aff des, wos long schun häa
Drau schtessma un unt trinkma iatz
Aff zeitn, long, long häa
Unt sicha sauffsch dai glahsl auss
Unt i trink a mains goah
So trinkma wia an tropfn bluat
Aff des, wos long, long woah
Mia zwoa sain aui aff di perg
Unt iba olmen kwea
Mit plosn auf di miadn fiass
Jo, terzn, long,long hea.
Mia zwoa sain durch di pachln kupft
In tog long unt no mea
Fon pritschln woa ma waschlnoss
Jo terzn, long, long hea.
Do isch mai prozzn, liaba freint!
Unt gib a daine hea!
Unt moch ma no an gschaitn schlugk
Aff des, wos long, long hea.